“Ka ndryshuar si nata me ditën” Rama impresionohet me Korçën, ja fotot që nxjerr nga qyteti

Kryeministri Edi Rama në një postim të fundit ka publikuar disa pamje nga Korça e sotme dhe e pas disa viteve.

Kreu i qeverisë shprehet se ndryshimin rrënjësor si nata me ditën që ka pësuar ky qytet, nuk mund ta shohë vetëm ai që është i verbër.

Sipas Ramës, ndryshimi i madh ka ndikuar dhe në rritjen e të ardhurave të ekonomisë vendore, si rezultat i turistëve të shumtë nga brenda dhe jashtë vendit.

STATUSI I RAMES

S’ka më të verbër se sa ai që nuk do të shikojë, por Korça nga dje sot nuk ka ndryshuar si nata me ditën veç në dukje, po edhe në të ardhurat e ekonomisë vendore, që dje lëngonte nën pluhurin e harresës, ndërsa sot hap dita-ditës dyer të reja bujtinash, baresh, restorantesh, aktivitetesh lloj-lloj, të cilat tërheqin gjithnjë e më shumë vizitorë në qytetin që sot e kupton pse të moçmit e quanin, “Parisi i Vogël” i Shqipërisë

Me qendrën e re të kodimit e të start up-eve për të rinjtë, Korça e Mandatit të Tretë do të kthehet edhe në një destinacion dijeje për punësim në tregun global të shërbimeve digjitale.