Meta: Pas 25 prillit, krimi i organizuar do marrë goditje të prerë, Shqipëria do kthehet në…

Presidenti i Republikës Ilir Meta, ka zhvilluar ditën e sotme një takim me Komisioneren Europiane për Çështjet e Brendshme, Ylva Johansson.

Nëpërmjet një postimi në rrjete sociale, Meta shkruan se e ka falenderuar komisioneren për mbështetjen e gjithanshme, që Bashkimi Europian i ka dhënë vendit tonë.

Midis të tjerash Meta shkruan se pas zgjedhjeve të 25 prillit 2021, krimi i organizuar do të marrë goditje të prerë dhe se Shqipëria do të kthehet në shinat e shtetit ligjor dhe të respektimit të plotë të të drejtave të njeriut.

“Kënaqësi të takohesha sot me Komisioneren Europiane për Çështjet e Brendshme, znj. Ylva Johansson. Një bashkëbisedim i hapur dhe i frytshëm mbi sfidat urgjente të rrugës europiane të Shqipërisë.

E falenderova për mbështetjen e gjithanshme, që BE i jep vendit tonë, përfshirë parandalimin dhe menaxhimin e emigracionit të paligjshëm përmes bashkëpunimit me FRONTEX.

Theksova rëndësinë, që do të ketë zhvillimi i zgjedhjeve të lira dhe të ndershme për rrugën europiane të Shqipërisë.

Pas zgjedhjeve të 25 prillit 2021, krimi i organizuar do të marrë goditje të prerë dhe Shqipëria do të kthehet në shinat e shtetit ligjor dhe të respektimit të plotë të të drejtave të njeriut,” shkruan Meta.