‘Shkela pa dashje këmbëzën’/ Rrënqeth dëshmia e 27-vjeçarit që qëlloi për vdekje shokun e tij në Bulqizë

Të tjera detaje dalin në dritë nga ngjarja tragjike e ndodhur në Bulqizë në 26 nëntor të 2020, ku u vra aksidentalisht nga shoku i tij, 22-vjeçari Elidon Basha.

Gjatqë ditës së sotme, 27-vjeçarit Klodian Kola, ka pranuar se ka plagosur padashje shokun e tij.

“E vërteta është se unë e kam qëlluar pa dashje shtetasin Elidon Basha. Shkuam për të gjuajtur, pasi zbritëm nga motori, kemi parë një lepur që kaloi aty dhe në moment Elidoni ka lëshuar armën automatike në tokë, e cila ka qenë e mbushur dhe më mori mua çiften për të qëlluar lepurin. Në këtë moment, unë u ula dhe mora automatikun në dorë dhe pa dashje kam shkelur këmbëzën e automatikut me gisht dhe arma qëlloi pa dashje. Në këtë moment kam dëgjuar edhe të bërtiturën e Elidonit, i cili u plagos në krahun e djathtë”,- thuhet në dëshminë e 27-vjeçarit.