E trishtë/ Ndërron jetë në moshë të re punonjësja e Radio Plusit

Ndërron jetë në moshë të re punonjësja e marketingut të Radio Plus në Kosovë, Donika Restelica.

Lajmi u bë i ditur nga “Radio plus”, teksa i ka shprehur edhe ngushëllime familjarëve, miqve dhe kolegëve për këtë humbje të madhe.

Ende nuk bëhet me dije arsyeja se përse ajo ndërroi jetë.

“Me dhimbje të thellë e kemi pranuar lajmin për vdekjen e Donikës, e cila ishte një punëtore e përkushtuar dhe kolege e jashtëzakonshme. Kontributi në Radio Plus, i Donikës do të vlerësohet gjithnjë. Donika ka qenë një person gjithmonë pozitiv, dhe ka ditur që përveç punës dhe angazhimit në Departamentin e Marketingut të tregohet e afërt me koleget dhe gjithmonë e gatshme për bashkëpunim.

Stafi i Radio Plusit shpreh ngushëllimet më të sinqerta familjes së Donikës, dhe miqve e të afërmve të saj. Donika Restelica, do të mbetet gjithmonë një ndër punëtorët që ka dhënë një kontribut të jashtëzakonshëm në zhvillimin e Radio Plusit,” thuhet në njoftim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern