“U nxituan për ta futur në burg” Klodiana Lala kritika Prokurorisë për mjekun Edvin Prifti: Duhej lënë i lirë

Mbrëmjen e sotme gazetarja Klodiana Lala ka folur në lidhje me këtë temë dhe dosjen e Prokurorisë, dhe tha se ky institucion është nxituar për të kërkuar “arrest me burg” për doktorin, pasi nuk pati kohë të hetonte në mënyrë të plotë, dhe nuk i dha as Priftit kohë për të justifikuar këto të ardhura.

“Prokuroria është nxituar sepse nuk ka pasur kohën e nevojshme për akuzën “pastrimi i parave”, vetëm 20 orë. Nuk është hetuar as akuza e korrupsionit, duhet të vërtetohet që ato para vijnë për shkak të korrupsionit. Duhet ta shmangim avokatin sepse ai normal që do e mbrojë klientin e tij. Unë insistoj që prokuroria duhet ta hetonte në një tjetër masë mjekun Prifti, jo për të legjitimuar pafajësinë e tij, por t’i japë kohën atij të vërtetojë që këto para janë apo jo të ligjshme. Pas vërtetimit më pas të ashpërsojë apo lehtësojë masën e sigurisë.”, deklaroi gazetarja Klodiana Lala.