Humbje e madhe/ Ndërron jetë nga virusi doktori shumë i dashur që shpëtoi qindra fëmijë nga kanceri

Virusi i rrezikshëm C OVID19 nuk kursen as bluzat e bardha.

Madje as ata që kanë bërë të mundur që shumë fëmijë të shpëtojnë nga sëmundjet e rënda dhe të gëzojnë jetën.

Por Giuseppe Basso, onkologu që simbolizon luftën kundër kancerit te vogëlushët në Itali, nuk ka mundur dot të fitojë betejën me k oronavirusin.

Mjeku 73-vjeçar rezultoi pozitiv muajin e kaluar dhe u shtrua në spital në kujdesin intensiv pas ndërlikimeve shëndetësore.

Me “kompetencë dhe vendosmëri”, Basso e kaloi tërë jetën e tij në shërbim të komunitetit dhe më të prekshmit:

“Sot, më shumë se 85% e fëmijëve që sëmuren nga kanceri – tha mjeku në 2018 – do të rriten, ata do të kenë një jetë normale, ata do të jenë në gjendje të kenë fëmijë dhe të kujtojnë se kanë pasur kancer, si një episod nga e kaluara”.

“Në Padova kemi bërë përpjekje organizative dhe financiare duke qenë në gjendje të kemi një qendër referimi për të gjithë Italinë dhe ne garantojmë atë që jemi ajka e diagnostikës botërore. Ne e kemi bërë Italinë të barabartë për të gjithë: çdo fëmijë që sëmuret do të ketë diagnozën në të njëjtën kohë dhe të njëjtën mundësi trajtimi, qoftë nga një qendër e madhe apo nga një zonë periferike e vendit tonë”, tha Basso.