“Po ne të spitaleve private?” Kirurgia reagon ashpër pas vaksinimit të mjekëve: Ca të nënës e ca të njerkës

Pasi ka nisur vaksinimi i mjekëve  në vend, një reagim i ashpër ka ardhur nga kirurgia e njohur Lida Shosha.

Sipas saj ky proces po bëhet në mënyre selektive.

Doktoresha kërkon që vaksinimi të nisë dhe në rradhët e mjekëve nëpër spitale private, pasi dhe ata ndodhen në vijën e parë të luftës ndaj virusit.

Shosha shton se kanë qenë me mijëra qytetarë që kanë marë shërbime të urgjencave nga më madhoret, kirurgjikale e jo kirurgjikale, ndërsa shton se ministria po i ndan mejkët ca të nënës dhe ca të njërkës.

REAGIMI I PLOTE:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Po mjekët dhe stafi mjekësor i spitaleve private të Tiranës, kur do vaksinohen ?

Apo ne shesim domate. Jemi punonjes te shëndetësise, te licensuar konform regullave e ligjeve te shtetit shqiptar, si gjithë te tjerët. Paguajmë siguracionet, taksat, detyrimet , tatimet një më një, deri tek taksa per barin jeshil qe se shohim gjëkundi e cfarë u teket qeveritarëve.

Zonja ministre, ne kemi shërbyer nonstop, pa mbyll spitalet asnjë ditë, mes covidit, dhe kemi zgjidhur gjithcka kur pavionet tuaja ishin mbyll vec infektivit, QSUT u infektua, e mjekët i cove në shtëpi. Ngarkesa dërrmuese është në Tiranë , ku vijnë pacientët nga gjithë Shqipëria e Kosova.

Kur ju deshën spitalet, ju ofrua gjithcka, tani ca te nënës e ca te njerkës. Janë me mijëra qytetarë që kanë marë shërbime te urgjencave nga me madhoret kirurgjikale e jo kirurgjikale e deri ne konsultat ambulatore multidisiplinare.

Shyqyr qe na zuri dhe e kaluam,si unë si pjesa dërrmuese e stafit, se sinqerisht nga ju,presim vec foto me stetoskop ne dore, nga malet me dëborë. E zhgënjyer.