Ndodh në Kakavijë/ Me 23 mijë euro në çantë niset drejt Greqisë, ja si e pëson në fund 46-vjeçarja

Një ngjarje e pazakontë ka ndodhur sot në Kakavijë.

Mësohet se në pikën kufitare jugore është sekuestruar një shumë parash prej 23.000 euro.

Këto të fundit ishin në pronësi të një shtetaseje me inicialet A.T 46 vjeçe, banuese në Sarandë, e cila udhëtonte si pasagjere në makinën mjet tip “Volkswagen”.

Gruaja u pikas gjatë kontrollit të ushtruar në automjet nga shërbimet e Policisë Kufitare në bashkëpunim me ato doganore.

Ajo i kishte fshehur paratë në çantën e dorës, të cilat u sekuestruan në cilësinë e provës materiale.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kjo shtetase tashmë është vënë nën hetim për veprën penale “Mosdeklarimi i të hollave dhe sendeve me vlerë në kufi” për shumën e parave të gjetur në çantën e saj.

NJOFTIMI ZYRTAR I POLICISE

Vijojnë kontrollet intensive për parandalimin, evidentimin dhe goditjen e paligjshmërisë. Goditet një rast i mosdeklarimit të të hollave në kufi.   Sekuestrohen 23.000 euro. Procedohet penalisht poseduesja e shumës monetare. Shërbimet e Policisë Kufitare në Kakavijë, si rezultat i shtimit të kontrolleve me qëllim parandalimin dhe goditjen e paligjshmërisë, bazuar në analizën e riskut, në dalje të RSH-së, kanë kaluar për kontroll në vijën e dytë, një mjet tip “Volksëagen”.  Gjatë kontrollit të ushtruar në automjet, shërbimet e Policisë Kufitare, në bashkëpunim me shërbimet doganore, gjetën të fshehura në çantën e dorës së shtetases A. T. (pasagjere në mjet), 23.000 euro, të cilat kjo shtetase nuk i kishte deklaruar. Shuma e parave u sekuestrua në cilësinë e provës materiale.  Në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në DVP Gjirokastër, shtetasja A. T., 46 vjeçe, banuese në Sarandë, u procedua penalisht për veprën penale “Mosdeklarimi i të hollave dhe sendeve me vlerë në kufi”.