I solli në shtëpi 4 burra për të kryer marrëdhënie seksuale/ E reja denoncon bashkëjetuesin

Një vajzë nga Shqipëria që bashkëjetonte me një shtetas shqiptar të Kosovës, ka denoncuar në polici partnerin e saj i cili tentoi ta shfrytëzonte për prostitucion.

Në dëshminë që dha në polici, ajo ka pohuar se shtetasi kosovar i ka dërguar në banesë katër meshkuj të tjerë, që të kryente marrëdhënie seksuale në këmbim të parave.

Po ashtu, vajza ka deklaruar se i dyshuari i ka marrë asaj florinj me vlerë 1400 euro dhe 2000 euro para cash.

“Viktima femër – shtetase e Shqipërisë ka raportuar se i dyshuari mashkull me të cilin bashkëjeton në banesë i kishte dërguar katër persona tjerë që të kryente marrëdhënie intime në këmbim të parave, viktima kishte kundërshtuar dhe ishte larguar nga banesa.

Po ashtu viktima ka deklaruar se i dyshuari i kishte marrë një sasi të arit me vlerë prej 1400 euro dhe 2000 euro para të gatshme, se e ka sulmuar fizikisht disa herë dhe e kishte detyruar të kërkon lëmoshë. Lidhur me rastin është njoftuar prokurori. Rasti nën hetime”, thuhet në raportin e policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern