‘Babain e lanë të vdiste në karrige’, reagon QSUT-ja: Familjarët i bënë presion mjekes, ndërhyri edhe Najada Çomo

Pak kohë pasi dy vajzat e Rifat Lolos denoncuan para ambienteve të spitalit Infektiv mungesën e shërbimit nga punonjës shëndetësor, duke shkaktuar vdekjen e të atit të tyre, ka ardhur reagimi nga ana e QSUT. .

Përmes një reagimi në rrjete sociale, QSUT-ja ka përgënjeshtruar në mënyrë të prerë deklaratat e motrave, duke thënë se 79-vjeçari Rifat Lolo ka arritur në një gjendje të rënduar në spital dhe i është bërë skaneri.

Ata shkruajnë se mjekja Migena Qato, të cilën vajzat e denoncuan për neglizhencë dhe komunikim joetik, ka ndjerë vazhdimisht presion nga ndërhyrjet që kanë bërë familjarët.