Prodhuan 58 mijë doza të rreme anti-C*ovid me kripë dhe ujë mineral/ 70 persona të implikuar

Policia kineze ka vënë në pranga një shtetas të saj, i cili është përshkruar si prodhues vaksinash të rreme ndaj Covid-19.

Personi i identifikuar si Kong, dyshohet se ka prodhuar 58 mijë doza me kripë dhe me ujë mineral.

Pasi kopjoi vaksinat origjinale, mësohet se ai i dërgoi ilegalisht ato në disa vende.

Sipas BBC, burri është një nga 70 personat e arrestuar nën dyshimin e mashtrimit me vaksinat antiCovid.

Kong dhe të 70 personat, besohet se fitonin 8 milionë juan ose e thënë në dollarë 2.78 milionë.

Ato vendosnin në shiringa tretësirë të kripur dhe në raste të tjera ujë mineral duke i promovuar e shitur ato si vaksina anti-Covid.