Vodhi 30 milionë lekë në vendin e punës, arrestohet ekonomisti i qendrës shëndetësore (EMRI)

Ka rënë në pranga ekonomisti i qendrës shëndetësore nr.3 në qytetin e Elbasanit.

Bëhet fjalë për Edlir Sejdinin, i cili akuzohet se ka abuzuar me detyrën e tij, duke përfituar 30 milionë lekë.

Shpjeguar në mënyrë më konkrete, Sejdini ka arritur të falsifikojë listë-prezencën e punonjësve të kësaj qendre shëndetësore dhe ka përvetësuar shumën e parave në mënyrë të paligjshme.

Sejdini po hetohej prej muajsh nga seksioni i krimit ekonomik pranë drejtorisë së policisë Elbasan, në bashkëpunim me prokurorinë e rrethit. Bazuar në provat e mbledhura nga hetimet e derimëtanishme, mësohet se 35-vjeçari ka vjdhur shuma të mëdha parash prej dy vitesh, duke shpërdoruar detyrën.

Ai akuzohet për veprën penale “Vjedhje duke shpërdoruar detyrën”. Prokuroria vijon hetimet për rastin në fjalë, pasi dyshohet se Sejdini nuk ka vepruar i vetëm dhe duhen zbuluar bashkëpunëtorët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern