Pak para eliminatorëve të Botërorit, trajneri Edi Reja merr lajmin fantastik

Brenda vitit 2021 Shqipëria do të luajë të gjitha ndeshjet e vlefshme për kualifikuesit e Kampionatit Botëror “Katar 2022”.

Kështu përballë kuq e zinjve do të jenë ekipe si Anglia dhe Polonia, por gjithashtu dhe Andorra, Hungaria dhe San Marino.

E ndërsa këto rivalë gjenden në vijën e parë të sulmit, emra si Robert Levandovski i Polonisë, apo Herri Kejn & Co me Anglinë, pesha kryesore për përballimin e tyre do të bjerë mbi repartin e prapavijës.

Në vigjilje të këtij edicioni kualifikues, për trajnerin Edi Reja, Seria A po jep nota dhe sinjale force të jashtëzakonshme. Berat Gjimshiti dhe Ardian Ismajli kanë treguar së fundmi një rritje të jashtëzakonshme.

GJIMSHITI

Mbrojtësi i Atalantës është bërë njeriu kyç i prapavijës me Gasperinin, teksa i bën mrekullisht të tria pozicionet e mbrojtjes me skemën 3-5-2, duke luajtur në qendër dhe në të dy krahët e prapavijës, si i majtë dhe si i djathtë në qendër.

Gjimshiti, jo vetëm me paraqitjet në Serinë A, por edhe me eksperiencën që ka fituar këto dy sezone në Ligën e Kampionëve, i vjen trajnerit Reja si një qendërmbrojtës i jashtëzakonshëm, pikë referimi. Për Ismajlin, prova si ajo ndaj Ibrës dhe sulmit të Milanit, janë tregues së në Serinë A ka fituar garanci të rëndësishme, tipare të përmirësuara dhe përforcuara krahas atyre që shfaqi në Kroaci.

KUMBULLA – Një tjetër djalosh, 21-vjeçar, shumë i fortë dhe premtues është gjithashtu Marash Kumbulla. Edhe pse me Romën nuk e ka pasur së fundmi shkëlqimin e dikurshëm si me Veronën, diktuar edhe nga pushimi prej C OVID-it, Kumbulla i ka dhënë provat se është shumë i talentuar, shumë i fortë dhe një e ardhme e ndritur për prapavijën kuqezi. Së fundmi, Kumbulla ka pësuar një dëmtim që e la dje jashtë Romës për Udinezen dhe rrezikon edhe sfidën në Europa Ligë ndaj Bragës.