“Do vijë një gëzim i ri” Balerini i njohur shqiptar jep lajmin e ëmbël, baba për herë të dytë

Një lajm i ëmbël vjen së fundmi nga balerini i njohur shqiptar Kledi Kadiu.

Ai ka zbuluar se së shpejti do të bëhet baba për herë të dytë.

Kadiu nxorri një fotografi me bashkëshorten e tij, teksa mbante në dorë ekografinë e bebes, gjinia e të cilit ende nuk dihet.

“Familja jonë do zmadhohet. Në gusht do të vijë një gëzim i ri. Jemi jashtëzakonisht të lumtur”, shkruan balerini krahas fotos.

Kujtojmë se Kledi dhe bashkëshortja e tij, Charlotte kanë një vajzë të quajtur Lean e cila është 5-vjeç.