LIGJET E BIZNESIT
Autoriteti Rrugor Shqiptar ka dhënë përditësimin mbi kalueshmërinë e akseve rrugore kombëtare, ndërsa apelon të gjithë drejtuesit e mjeteve që të përdorin gomat dimërore dhe zinxhirë.
Sa i takon aksit të Qafë Thanës ku dhjetra qytetarë janë detyruar që ta kalojnë natën jashtë në temperatura disa gradë nën zero, ARRSH deklaron se mjetet kanë zënë rrugën, gjë që e bën të vështirë pastrimin e saj.
ARRSH deklaron se kontraktorët janë në terren për pastrimin e akseve dhe shpërndarjen e kripës.
Më poshtë të dhënat për akset ku kombëtare të gjithë drejtuesit e mjeteve duhet të lëvizin me zinxhirë:
Në rajonin Verior dhe Qendror reshjet kanë pushuar por në rajonin Jugor kanë vijuar deri në orët e para të mëngjesit
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
RAJONI VERIOR
Qarkullohet me zinxhirë: Kukës-Bushtricë, Bicaj-Bushtricë, Domaj-Daj Reç, Trebisht –Doganë, Ura e Cerenecit–Klenjë.
RAJONIO QENDROR
Qarkullohet me zinxhirë: Lunik–Fushë Studë, Rrugët e Dajtit, Krujë-Sarisalltik, Elbasan-Gjinar, Gramsh-Kodovjat, Mollë-Grabovë, Kryqëzim Zëmblak-Goricë.
RAJONI JUGOR
Vazhdon të jetë problematike segmenti Qafë Thanë-Dogana Qafë Thanë për shkak të mjeteve që kanë bllokuar rrugën. Në usekët e rrugës kalimi është me një korsi. Vijon puna edhe brenda territorit të doganës edhe në tokën neutral për pastrimin dhe kthimin në normalitet.
Kushtëzuar nga reshjet dhe temperaturat e ulëta qarkullohet, me goma dimërore ose zinxhirë në orët e paradites.
Kontraktorët janë në terren për pastrimin e akseve dhe shpërndarjen e kripës. Të gjithë drejtuesit e mjeteve të pajisen me goma dimri ose zinxhirë, të reduktojnë shpejtësinë, të respektojnë sinjalistikën rrugore dhe udhëzimet e Policisë Rrugore.
