Autostrada në Spanjë e bllokuar nga dëbora, Rama ironizon opozitën: Apel për ndihmë nga PD për kripë, LSI për fall

Kryeministri Edi Rama ka publikuar në rrjete sociale një video ku shihet autostrada A2 në Spanjë, që është e bllokuar nga reshjet e dendura të dëborës.

Duke marrë shkas edhe nga akuzat e bëra kundër tij, Rama ka ironizuar në rrjet duke shkruar se PD po bën apel për të ndihmuar me kripë, ndërsa LSI po hedh “fall”.

Rama nuk ka lënë pa ironizuar edhe analistin Andi Bushati, i cili një ditë më parë kritikoi qeverinë pasi mbeti i bllokuar në rrugë për shkak të dëborës.

“Autostrada A2 në Spanjë – Apel për ndihmë nga PD për kripë, LSI për fall, Andi Bushati për analizë”, shkruan Rama krah videos.