Zgjedhjet në Kosovë/ Vdes një qytetar 81-vjeçar teksa votonte

Një ngjarje e rëndë është regjistruar në fshatin Biqec të Kaçanikut në Kosovë, ku po mbahen zgjedhjet parlamentare.

Një 81-vjeçar ka humbur jetën teksa po merrte fletën e votimit. Ai ka rënë papritur në tokë, ndërsa i biri dhe persona të tjerë e kanë marrë dhe e kanë dërguar në spitalin më të afërt.

Fatkeqësisht, i moshuari nuk ia ka dalë të jetojë, ndërsa bëhet me dije se ai kishte udhëtuar nga Shkupi për të votuar.

“Personi ka rënë në tokë dhe më pas i biri me tre persona e kanë futur në veturë për ta dërguar në emergjencë. Gjatë rrugës 81-vjeçari ka ndërruar jetë”, u shpreh komisioneri i qendrës së votimit.