LIGJET E BIZNESIT
Vazhdon jehona e temës së lidhjes me Tean dhe Beartin, dy ish-konkurrentëve të programit “Përputhen”.
Kujtojmë se dyshja e bënë publike lidhjen pasi dolën nga emisioni, duke treguar që janë mjaft të dashuruar me njëri-tjetrin.
Sipas tyre fotografitë ku u shfaqën duke u puthur, i publikuan qëllimisht.
Tea tha se produksioni ka qenë në dijeni të lidhjes së tyre, por sërish i ka detyruar të vazhdojnë me programin. Së fundmi, ajo ka publikuar dhe provat.
Teksa një ndër ndjekësit i ka shkruar “Kur e ke ndërgjegjen e pastër, pse nuk i nxjerr provat që thua t’i kesh?”, Tea ka ndarë në Instastory një bisedë me një nga vajzat e stafit. Ajo shihet t’i kërkojë Teas foto me Andin për “mbulim”.
“Më duhet video me mamin e Andit që keni bërë në takim dhe foto për mbulim për puntatën e nesërme. Atë që diskutuam në studio”, i ka shkruar vajza.
Më tej, ajo i ka kërkuar foto nga nata e Vitit të Ri dhe Tea i është përgjigjur “Po unë natën e Vitit të Ri e kalova në Kosovë, Andi nuk i dihet ku e ka kaluar, nuk e kaluam bashkë”.
Pak ditë më parë, Tea nxorri një video në Youtube, ku u shpreh: “Ti i dije të gjitha! Unë të kam kërkuar që të dilja që në dhjetor por ti më nxirrje qindra justifikime. Unë dhe Andi kemi kërkuar të dalim si çift, të përputhur, të përplasur, të përleshur, sido që të ishte, vetëm që të dilnim që aty sa më shpejt. Po pse moj Olsa, harrove ti që për Vitin e Ri, unë kam qenë në Kosovë te Bearti, duke e festuar me familjen e tij? Pas kësaj më keni kërkuar foto që unë duhet t’i bëja me Andin, foto që nuk u bënë kurrë. Edhe unë për këtë kam prova.”
View this post on Instagram
