LIGJET E BIZNESIT
Një ditë pas arrestimit të mjekut kardiolog Edvin Prifti, të cilit iu gjet në banesë një shumë prej afërsisht 500 milionë lekësh të vjetra, nuk kanë munguar dhe reagimet e forta pro tij.
Bëhet fjalë për pacientë apo të afërm, që tregojnë eksperiencën e familjarëve të tyre, jeta e të cilëve ka qenë në duart e doktorit të njohur.
Një prej postimeve është dhe ai i avokatit Adriatik Lapaj, i cili shprehet se falë kardiologut Prifti, i ati i tij është në gjendje jo vetëm të jetojë por edhe të vrapojë sërish.
“Falë doktor Edvin Priftit babai im sërish vrapon dhe jeton sikur të mos ishte sëmurë kurrë. Doktori me duart e veta të arta e la pranë familjes tonë. E njoha në këto kushte doktorin. E njoha si zotëri. Mirënjohjen ma ka kultivuar babai. Të jam mirënjohës i dashur Edvin. Unë nuk i futem fare problemit që lindi. Unë jam me ty sepse duart e tua shpëtuan jetën e tim ati. Ti nuk më kërkove asgjë.
Të duam familjarisht doktor! P.s ky status është konsideratë personale ndaj doktorit. Mardhënien me drejtësinë ai e ka personale. Njerëzisht ne e duam dhe unë i’a shpreha publikisht në këto ditë të vështira për të”, shkruan Lapaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
