LIGJET E BIZNESIT
Tanimë reshjet e dëborës kanë mbuluar pothuajse të gjithë vendin dhe duket se do të vijojnë edhe përgjatë natës.
Sipas parashikimit që bën MeteoAlb, dita e diel do ta gjejë të ngrirë për 95% të vendit.
Në zonat malore dhe ato juglindore shtresa e borës do të arrijë nga 30-50 cm në zonat malore jugore dhe juglindore apo 25-40 cm në zonat malore veriore.
Ndërkohë në zonat më të ulëta, si Tiranë, Durrës, Elbasan, Fier, Berat e Shkodër bora do të arrijë një shtresë nga 2-10 cm.
Ky i ftohtë do të vijojë edhe pjesën e parë të javës tjetër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
NJOFTIMI NGA METEOALB
Reshjet e borës vijojnë gjatë natës, e diela vjen e ngrirë në 95% të vendit !
Sonte reshjet e borës mbeten prezente në sasi të pakta në të gjithë shtrirjen perëndimore edhe 3-4 orë pas mesnatës kur pritet largim gradual i borës fillimisht nga veriu dhe gradualisht reshjet e borës largohen nga perëndimi dhe zonat qendrore të vendit. Në jug dhe më tepër në juglindje, bora mbetet prezente deri të dielën pas mesditës. Gjatë natës pritet që sipas zonave, bora të krijojë një shtresë prej 2-10 cm në qarqet Shkodër, Durrës, Tiranë, Elbasan, Fier dhe Berat ndërsa priten 25-40 cm borë në zonat malore veriore dhe 30-50 cm borë në zonat malore jugore dhe kryesisht në zonat juglindore. Temperaturat e ajrit do të ulen ndjeshëm nga ora në orë; mëngjesi i së dielës, përjashtuar skajin jugor, e gjen Shqipërinë në temperatura nga 0 në -16°C. Orët e mesditës do të ulin temperaturat në vlera negative në pjesën më të madhe të vendit deri në -7°C maksimumi i së dielës në zonat veriore dhe lindore të vendit por brigjet jugore të Jonit do të qëndrojnë rreth 5°C, maksimum i pritshëm në Sarandë. I ftohti vijon edhe pjesën e parë të javës tjetër………
