Hajdari pi ujë në burimin e Gurrës së Labinotit: Kuçedra politike kërkon ta japë me koncesion

Nëpërmjet një postimi në rrjete sociale, Hajdari shkruan se banorët kanë një shqetësim të madh, pasi sipas saj kuçedra politike 30-vjeçare kërkon ta japë me konçesion këtë burim. Për pasojë, rrezikohet lënia në thatësirë e të gjithë zonës.

Ndër të tjera, ajo shkruan se do të ishte një krim i përmasave të pallogaritshme.

Postimi i plotë:

Gurra e Labinotit shërben si burim uji të pijshëm për gjithë zonën si edhe për vaditjen e tokave bujqësore.Banorët janë shumë të shqetësuar sepse kuçedra politike 30 vjeçare kërkon ta japë me konçesion këtë burim, duke rrezikuar lënien në thatësirë të gjithë zonës.

Do të ishte një krim i përmasave të pallogaritshme, por askush nuk habitet më sot me këta që prenë pyjet, thanë lumenjtë e liqenet, privatizuan detin e malin, vetëm për tu pasuruar vetë.

I premtova banorëve që si unë e si Nisma Thurje do të jemi krah tyre e do të luftojmë pa kompromis që jo vetëm Gurra e Labinotit por çdo burim natyror ti kthehet qytetarëve.

Nëse do të na bashkohesh në Elbasan, më shkruaj këtu ose regjistrohu te rudinahajdari.al.