I mori jetën dy vëllezërve 23 vite më parë, identifikohet dhe shpallet në kërkim autori 47 vjeçar

Zbardhjet vrasja e dy vëllezërve e ndodhur para 23 vitesh në qytetin e Vlorës.

Sipas policisë, është identifikuar dhe shpallur në kërkim ndërkombëtar autori i dyshuar për ngjarjen.

Bëhet fjalë për shtetasin me iniciale G. S., 47 vjeç, të cilit Gjykatës e Shkallës së Parë Vlorë i ka caktuar masën e sigurimit “Arrest në burg” për kryerjen e veprave penale “Vrasja me paramendim” dhe “Armëmbajtja pa leje”.

NJOFTIMI ZYRTAR I POLICISE

Vijon puna hetimore për zbardhjen e ngjarjeve kriminale të ndodhura më parë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Zbardhet vrasja e dyfishtë e ndodhur në vitin 1998, në Vlorë.

Identifikohet dhe shpallet në kërkim ndërkombëtar autori i dyshuar i vrasjes së dyfishtë.

Seksioni i Krimeve të Rënda në Drejtorinë Vendore të Policisë Vlorë, nën drejtimin e Prokurorisë pranë Gjykatës së Shkallës së Parë Vlorë, pas një pune të mirëfilltë hetimore, ka bërë të mundur identifikimin e autorit të ngjarjes së ndodhur në vitin 1998, në lagjen “Pavarësia”, Vlorë, ku mbetën të vrarë me armë zjarri 2 vëllezër, shtetasit B. H. dhe E. H.

Si rezultat i hetimeve të kryera, nga Seksioni për Hetimin e Krimeve Kundër Personit në Drejtorinë Vendore të Policisë Vlorë u bë shpallja në kërkim ndërkombëtar e autorit të dyshuar, shtetasit:

1. S., 47 vjeç, të cilit Gjykatës e Shkallës së Parë Vlorë i ka caktuar masën e sigurimit “Arrest në burg” për kryerjen e veprave penale “Vrasja me paramendim” dhe “Armëmbajtja pa leje”.

Vijon puna intensive për lokalizimim dhe arrestimin e këtij shtetasi.