“Personalitet i rëndësishëm” Meta dekoron me titullin ‘Nderi i Kombit’ Neritan Cekën për 80 vjetorin e lindjes

Sot presidenti Ilir Meta ka vendosur të dekorojë me titullin e lartë “Nderi i Kombit” arkeologun, politikanin dhe shkencëtarin Neritan Ceka me rastin e 80 vjetorit të lindjes.

Ndërkohë, me anë të një reagimi, Kreu i Shtetit shprehet se kishte nderin që të vlerësonte Cekën, i cili ia kushtoi jetën konsolidimit dhe përparimit të institucioneve kulturore në vendin tonë.

“Në 80-vjetorit e lindjes së tij, pata sot kënaqësinë e madhe të çmoj me Dekoratën e lartë “Nderi i Kombit”, një nga personalitet më të rëndësishme të vendit, arkeologun, politikanin dhe shkencëtarin e shquar, Neritan Ceka.

Duke vlerësuar profesor Cekën, ky nderim dhe shprehje respekti, shkon për të gjithë ata, të cilët ia kushtuan jetën e tyre konsolidimit dhe përparimit të institucioneve kulturore të vendit tonë duke dhënë një kontribut të jashtëzakonshëm në fushën e arkeologjisë, me zbulimin, ruajtjen dhe promovimin e thesareve tona të rralla të trashëgimisë së vyer kulturore e historike.

Gjithashtu, ky është një vlerësim për të gjithë ata, që si profesor Ceka, i vendosën kapacitetet e tyre intelektuale, ndershmërinë dhe përkushtimin qytetar në funksion të konsolidimit të demokracisë dhe shtetit të së drejtës.

Edhe 100 pranvera të tjera profesor,” shkruan Meta.