Solli arrestimet e SPAK/ Kush është i dënuari i rrezikshëm me 25 vjet që pritej të lirohej nga Gjykata e Krujës

Ditën e sotme një operacion i bujshëm me urdhër të SPAK është zhvilluar në Gjykatën e Krujës, i cili ka sjellë arrestime të befasishme.

Dyshohet se ishte bërë gati lirimi nga burgu i një personi të rrezikshëm që ishte dënuar për vrasje.

Bëhet fjalë për Saimir Petanin, i dëuari që gjyqtarja e njohur e Krujës Enkeleda Hoxha bashkë me persona të tjerë po përgatiteshin që ta lironin nga burgu i Fushë-Krujës, por SPAK i dekonspiroi dhe më pas preu urdhër-arrestet ndaj tyre.

Petani është i dënuar me 25 vite burg për vrasje dhe ishte ekstraduar nga Italia vetëm në Maj të 2020-tës, por duket se i rrinte ”ngushtë” burgu i Fushë Krujës, dhe për këtë ka nisur tratativat për korruptimin e gjyqtares Hoxha, e cila është e famshme për lirimin nga burgu të personazheve të njohura të botës së krimit.