“Ka edhe mjekë që përfitojnë” Pas skandalit te ‘Shefqet Ndroqi’, Brataj jep mesazhin që nuk pritej

Drejtori i Urgjencës Kombëtare Skënder Brataj ka folur së fundmi për skandalin e korrupsionit në spitalin “Shefqet Ndroqi”.

Sipas tij ky është një fenomen i turpshëm por nuk duhet të habitemi pasi gjithmonë ka ekzistuar në Shqipëri.

“Sot lindi ky problem? Vetëm në shëndetësi është ky problem? Pse fshihemi pas gishtit, kur e dimë shumë mirë se një shkresë nuk e merrje dot pa paguar, një veprim, një koaludim. Është e turpshme ajo që ndodhi, nuk jam dakord me fenomenin. Unë kam thënë që ka edhe mjekë që përfitojnë përmes recetave të majme, që nuk kanë të drejtë t’ua japin pacientëve, se në radhë të parë i bën dëm, së dyti po abuzon. Mos të habitemi nga fenomeni, se është krijuar në këtë këto vite”,- tha Brataj në News 24.