LIGJET E BIZNESIT
Kasia Lenhardt, modelja e njohur gjermane, ka kryer vetëvrasje në moshën 25-vjeçare.
Modelja e cila njihet për lidhjen e saj me futbollistin e Bayern, Jerome Boeateng, është gjetur pa shenja jete në apartamentin e saj në Berlin.
Në lidhje me këtë ngjarje të rëndë ka reaguar edhe këngëtari i njohur Ardian Bujupi.
Atij i duket e pabesueshme vdekja e 25-vjeçares, mikes së tij të mirë në mënyrë kaq të papritur.
”Nuk mund ta besoj, por më duhet ta përballoj! Kasia ka ndërruar jetë duke kryer vetëvrasje, ndërsa kemi qenë duke folur këto ditë për projektin e ri që donim të bënim bashkë. Ajo ishte plot me energji dhe vetëbesim. Kjo ka ndodhur nga njerëzit që të gjykojnë dhe bullizojnë në çdo moment. Diçka duhet të ndryshojë! Vdekja e saj duhet të jetë një mësim për të gjithë, si vdekja e Princeshë Dianas!! Pusho në paqe ëngjëll!” shkruan Bujupi.
