“Infektimet u rritën nga variantet e reja” Manastirliu ngre alarmin: Po qarkullojnë mutacionet

Ministrja e Shëndetësisë Ogerta Manastirliu deklaroi sot gjatë mbledhjes së Komitetit Teknik të Ekspertëve se ka dyshime që në Shqipëri po qarkullojnë dhe mutacionet e reja të C OVID19.

Duke përmendur dhe motivet që sollën në rritjen e madhe të infektimeve nga virusi, ajo theksoi se një nga shkaqet është dhe mbërritja në vend e varianteve të reja.

“Jemi sot në një moment sa delikat, aq edhe të rëndësishëm. Ka dyshime të arsyeshme se kemi një qarkullim të mutacioneve të reja të virusit Covid-19. Jemi në një situatë ku me gjasë prej këtyre varianteve të reja kemi shtim të infeksioneve. Kushtet e dimrit e bëjnë edhe më të pafavorshme situatën. Kemi shtim të infektimeve, ulje të moshës së të prekurve. Kjo ka sjellë një shtim të ndjeshëm të misioneve të urgjencës kombëtare, misioneve në banesë. Kjo situatë në ditët e fundit është shoqëruar edhe me shtim të rasteve në spitale dhe rritje të pacientëve në terapi intensive”, deklaroi ministrja gjatë fjalës së saj.