Arrestohet “eksperti” 20-vjeçar/ Bëri kërdinë me vjedhje banesash

Policia e Sarandës ka vënë në pranga një 20-vjeçar. Dyshohet se i riu në bashkëpunim me shtetasin me iniciale S. P. (i ndaluar në datën 23.11.2020) kanë kryer rreth 10 vjedhje në vende të ndryshme.

20-vjeçari ishte në kërkim pasi Gjykata e Rrethit Gjyqësor Sarandë i ka caktuar masën e sigurimit  “Arrest në burg”, për veprën penale” Vjedhja”, e kryer në bashkëpunim.

Sipas njoftimit të policisë, të përfshirë janë edhe 3 shtetas të mitur.

Njoftimi i policisë Sarandë

Kapet dhe vihet në pranga një 20-vjeçar, i dyshuar si bashkautor i 10 vjedhjeve të ndodhura në Ksamil dhe Sarandë.

Në muajin nëntor është vënë në pranga dhe bashkëpunëtori i tij.

Specialistët për Hetimin e Krimeve në Komisariatin e Policisë Sarandë, në vijim të punës për kapjen e personave në kërkim dhe vënien e tyre para përgjegjësisë ligjore, kanë kapur dhe ndaluar shtetasin:

P. S., 20 vjeç, banues në Sarandë.

Ky shtetas ishte shpallur në kërkim, pasi Gjykata e Rrethit Gjyqësor Sarandë i ka caktuar masën e sigurimit personal “Arrest në burg”, për veprën penale” Vjedhja”, e kryer në bashkëpunim.

Shtetasi P. S. ka rezultuar si autor i 10 vjedhjeve të zbardhura dhe të dokumentuara, në Ksamil dhe Sarandë, të kryera në bashkëpunim me shtetasin S. P. (i ndaluar në datën 23.11.2020) dhe 3 shtetas të mitur të proceduar në gjendje të lirë.

Materialet iu referuan Prokurorisë, për veprime të mëtejshme.