LIGJET E BIZNESIT
Dalin detaje të reja të forta nga zhdukja e biznesmenit italian Davide Pecorelli që prej datës 6 janar në Shqipëri.
Ndërkohë mediat fqinje kanë publikuar sot një bisede të zhvilluar më 5 dhjetor të vitit që lamë pas, mes Pecorellit dhe një miku të tij.
Ashtu siç tregohet dhe në bisedën në Whatsapp , momenti i fundit i biznesmenit që është shfaqur online është me 4 janar.
Davide thotë se tashmë ndihet pothuajse 100% shqiptar, dhe i përgjigjet mikut të tij që e pyet se ku është.
Pastaj në fund shkruan: “Po po sot kthehem në Vlorë pastaj deri të enjten do të jem në Tiranë për të mbyllur kontratat. Këtu me të vërtetë zgjat shumë… nuk është çështja vetëm tek kontrata që mund të jetë 30 ,40, 70 mijë euro, shqiptarëve qoftë për italianët apo të tjerët u duhet kohë për t’iu besuar!!”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mediet fqinje e shohin këtë si “një mesazh të qartë që na bën të kuptojmë skenarin tashmë pjesërisht të parashikuar javët e fundit. Sipas deklaratave të vetë Pecorelli-t që nga shtatori i kaluar ai po mundohej të shiste makina lazer për qendra bukurie mjaft të shtrenjta. Pra, nuk ka pasur negociata vetëm me mjekun që edhe hetuesit shqiptarë kanë kërkuar por ai ka pasur kontakte me klientë të ndryshëm. Me pak fjalë, rrethi zgjerohet, mbase kjo është arsyeja se përse ai mbërriti në veri të Shqipërisë, ku, padyshim, sipërmarrësit atje nuk mund të shpenzojnë shuma të tilla”.
Davide, duke filluar këtë lloj biznesi, dëshironte të rifillonte aktivitetet e themeluara në Itali. Në mesazhin e WhatsApp, Davide flet për Vlorën dhe Tiranën, por ai nuk përmend Shkodrën, ku u takua me disa biznesmenë.
Biznesmeni mbërriti në Shqipëri në 3 Janar. Nga 4 deri në 6 Janar ai rezervoi hotelin e turizmit në Pukë. Më 4 dhe 5 ai fjeti aty dhe ishte i vetëm. Ditën e tretë, ndërsa po kthehej në rrugën e vjetër nga Shpali për në Pukë, afër fshatit Gjegjan, automjeti i tij me qira u gjet i djegur.
