“Do ta paguash për çdo tullë” Rama ‘kritika’ vogëlushit që në mëngjes: Ose do rrish në kasolle (VIDEO)

Mëngjesin e sotëm kryeministri Edi Rama e ka nisur duke vizituar një familje e cila ka hyrë në banesën e re pas rindërtimit nga tërmeti.

Bashkë me ministrin Arben Ahmetaj dhe me kryebashkiakun Erion Veliaj, Rama bisedoi për disa minuta me familjarët.

Në momentin që po ndante dhuratat për të vegjlit, ai pyeti nëse i kanë të gjitha notat dhjeta në shkollë.

Djali i vogël i familjes i tha kryeministrit se nuk i ka të gjitha 10-ta.

Aty më pas filluan “kritikat” nga Rama.

Ky i fundit i tha vogëlushit se duhet të paguante tullat e dhomës me notat dhjeta, përndryshe do të përfundonte në kasolle.

‘Atë dhomën atje që ke atje më vete, do ta paguash për çdo tullë nga një 10-të, përndryshe do rrish në kasolle, do ta marri motra’– i tha Rama.