LIGJET E BIZNESIT
“Nisma Thurje” ka prezantuar kandidatin kryesor për kryeqytetin dhe ai do të jetë Panajot Soko. Ekonomisti i njohur është zyrtarisht në listat kryesore të Nismës Thurje, një parti e re politike kjo e cila thotë se në vetvete ka qytetarë të papërfaqësuar nga klasa e vjetër politike dhe kërkon që në parlament të dërgojnë një zë të fuqishëm kundër cdo afere korruptive që bëhet në kurriz të xhepave të shqiptarëve.
Gjatë mbrëmjes së të hënës, Pano Soko ka realizuar edhe prezantimin e tij zyrtar duke mbështetur disa prej pikave që ai kërkon t’i japë jetë në parlament.
Në rrjete sociale Soko shkruan: Në këto zgjedhje do të kandidoj në siglën e Nisma Thurje në qarkun e Tiranës. Dhe ka vetëm një arsye. E ndjej si detyrim ndaj tim biri që të bëj maksimumin që t’i lë atij dhe brezit të tij një Shqipëri ndryshe. Ne jemi një grup qytetarësh të lirë që kërkojmë një zë në vendimmarrje. Profesionistë të ndryshëm që kërkojmë që vendi ynë të shkojë nëpër një tjetër rrugë.
Dhe e dimë që për ta bërë të mundur atë që kërkojmë duhet të angazhohemi vetë. Nuk mund të presim ta bëjë dikush tjetër. Ata që na mbështesin janë me qindra mijëra në Tiranë dhe në gjithë Shqipërinë. Sepse Shqipëria nuk mund të vazhdojë të jetë më peng i 5-6 individëve që pasi na vjedhin, na thonë jeni të varfër. Jo nuk jemi të varfër, jemi të vjedhur! Nëse dhe ti e beson që jemi të vjedhur, në 25 Prill voto Nisma Thurje! #Bashkohu dhe ti me ekipin e Thurjes.
“Më shkruaj këtu në FB, në Instagram, apo kontakto në faqen e Thurjes. Bëhu pjesë e ndryshimit! Mos prit që të tjerët të bëjnë për ty, atë që ti vetë duhet të bësh për veten”, shkruan ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
