Yuri Kim: Ky deputet shqiptar të mos kandidojë në zgjedhje, është shpallur ‘not grata’ në SHBA

Ambasadorja amerikane Yuri Kim ka publikuar për të disatën herë në llogaritë e saj në rrjete sociale, njoftimin e Departamentit Amerikan të Shtetit, në të cilin thuhet se deputeti Tom Doshi është shpallur person “non grata” në SHBA.

Ajo përmend vendimin e DASH, teksa thotë se votuesit e Shqipërisë meritojnë më mirë se sa kjo, duke nënkuptuar se Tom Doshi nuk duhet të kandidojë në zgjedhjet e ardhshme në Shqipëri që do të mbahen në datën 25 prill 2021.

“Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky emërim, i bërë nga Sekretari i Shtetit i SH.B.A.-së pas shqyrtimit të kujdesshëm të informacionit. Me siguri, votuesit e Shqipërisë meritojnë më mirë se kjo”, shkruan ambasarorja Kim.