LIGJET E BIZNESIT
Dy të moshuar nga Britania e Madhe të cilët janë të martuar prej me shumë se 60 vitesh, arritën të mposhtnin coronavirusin së bashku.
Referuar mediave të huaja, gruaja Gillian England 88 vjeç, dhe burri i saj 91-vjeçar Micheal, qëndruan në spital për tre javë me radhë, ndërsa u liruan para pak ditësh.
Po ashtu, bëhet me dije se çifti britanik do të vazhdojë me trajtimet nga shtëpia.
Ditët e fundit, stafi i spitalit admiroi maksimalisht vullnetin e të moshuarve, pasi të dy mbështesnin njëri-tjetrin gjatë gjithë kësaj sfide.
Familja dhe vetë të moshuarit falenderuan përzemërsisht stafin e Shërbimit Kombëtar, për punën si dhe kujdesjen e tyre të palodhshme.
