Shembull për t’u marrë edhe nga Europa/ Banorët e Laknasit pastrojnë mbetjet dhe mbjellin pemë

Në zonën e Laknasit, pjesë e Kamzës, është vendosur të ndërtohet një thertore gjigante. Godina kërkon hapësirë të konsiderueshme ndaj për të siguruar tokën, është dashur prerja e disa pemëve.

Ky veprim ka nervozuar banorët e zonës të cilët thonë për Ora News se pemët janë jeta, e mbi të nuk mund të bëhet biznes. Ata kanë vendosur t’i rimbjellin ato. “Ne këtu e pastrojmë, mirëmbajmë dhe e mbjellim.

Ndryshe mbetuirinat do të na kishin ardhur në shtëpi. Pemët nuk i lëmë ti presin, ne i mbjellim, ata duan ti presin. Pas nesh është lumi më i ndotur i Europës, lumi i Ishmit, jemi bashkë me një organizatë mjedisore për të mbrojtur lumin. Ne i themi jo thertores, po pyllit dhe një mjedisi më të pastër.

Jo vetëm maskë mbrojtëse në fytyrë por edhe masa mbrojtëse për lumin, është një krim mjedisor. Po nuk pati pemë lumi gërryen dhe i ha shtëpitë” – thonë disa banorë.

Banorët shprehen se prerja e pemëve u rrezikon shembjen e shtëpive nga erozioni që do pësojë toka.