Rudina Hajdari shfaqet si shitëse, batuta: Të kam vënë çik më shumë, po po t’i jap

Rudina Hajdari shfaqet si shitëse, batuta: Të kam vënë çik më shumë, po po t’i jap Rudina Hajdari ka qenë sot në Përrenjas të Elbasanit për t’u takuar me banorë të zonës. Ajo do të kandidojë pikërisht në këtë qytet, ku prej javësh ka nisur edhe takimet elektorale. Hajdari është ndalur dhe në tregun e fruta-perimeve, teksa nuk ka përtuar t’u shërbejë dhe blerësve. Gjatë bisedimeve nuk kanë munguar edhe batutat mes saj dhe banorëve.

“Të kam vënë çik më shumë, por po t’i jap”- i drejtohet me buzëqeshje Hajdari blerëses. Ndërkohë që edhe tregëtari ka mbështetur reagimin e saj duke thënë se banorët e meritojnë.

Hajdari shkruan në facebook: “Puna e ndershme është vyrtyti që na duhet ta rikthejmë në piedestal.Shërbeva sot si shitëse në tregun e Përrenjasit e pata fatin të bisedoj me qindra tregtarë e qytetarë. Shqipëria duhet ti kthehet njerëzve të ndershëm e punëtorë, duhet ti rikthehet vlerave. Shteti duhet të ndalojë së mbështeturi krimin e organizuar dhe korrupsionin, e ti kthehet qytetarëve. Do ta bëjmë së bashku!”