LIGJET E BIZNESIT
Të shkosh në ambulancën e fshatit Zvërnec është një sfidë më vete, pasi duhet të kalosh mes gropave dhe baltës. Banorët shprehen të shqetësuar për këtë fakt, ndërkohë që gjithë segmenti i rrugës që të çon në fshatin Zvërnec ka nevojë emergjente për ndërhyrje në rrugë.
Banorët e fshatit Zvërnec thonë për Euro News Albania se kanë nevojë të marrin shërbimin shëndetësor, veçanërisht në këto ditë dimri, hasin vështirësi të infrastrukturës rrugore. Edhe pse rruga drejt ambulancës së fshatit është e shkurtër, ajo është një mundim për ta, pasi ju duhet të kalojnë mes baltës.
Ata shprehen se janë ankuar, por asnjë zgjidhje nuk kanë marrë. “E kemi të vështirë të vijmë, jemi të moshuar , sot është diell dhe shiko si është, ka pasur njerëz që kanë ardhur për tu mjekuar dhe janë dëmtuar rëndë. Mos të flasim për ndriçim, ambulanca sot është qendra kryesore duke parë situatën e covid por me vështirësi vijmë, infermieri është përditë këtu, doktoresha vjen 2 herë në javë”, shprehet një prej banorëve.
“Shërbimi shëndetësor është i mirë por rruga për të ardhur këtu është si e shihni, jo vetëm kjo rrugë por e gjithë rruga që në hyrje të fshatit është e prishur. Pushteti vendor vjen vetëm kur ju duhen vota.”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
