“Unë nuk ja jap votat” Kryemadhi i vë kusht Lulzim Bashës: Po nuk pranoi planin tim me 5 pika

Kryetarja e LSI Monika Kryemadhi ka bërë sot në mbrëmje një deklaratë të fortë vetëm pak muaj para zgjedhjeve.

Ajo ka deklaruar se nëse kreu i PD Lulzim Basha nuk e pranon në bashkëqeverisje planin e saj me 5 pika për ekonominë, atëherë nuk do ja japë votat e partisë.

Sipas saj, plani me 5 pika i LSI-së është i panegociueshëm dhe kreu i PD nëse do të bëjë koalicion paszgjedhor me të, duhet ta pranojë.

Kryemadhi: Unë kam planin tim me 5 pika. Është i panegociueshëm. Nëse Basha nuk e pranon këtë planin tim me 5 pika nuk ja jap votat.

Pyetje: Çfarë do bëni ju? Do rrëzoni qeverinë e Bashës?

Kryemadhi: Çfarë? Jo, unë s’ja jap votat Bashës nëse nuk e pranon këtë plan me 5 pika. Janë të panegociueshme. Ky (Arjon Sulo) le ta mbylli gojën tani dhe të flas unë. Ky s’të lë të mbarosh logjikën dhe bën matematikë. Taksa 5% formalizon ekonominë. Formalizimi i eekonomisë do të thotë që oligarkët që bëjnë transaksione fiktive, do e pësojnë. Formalizim do të thotë më shumë investime në arsim. Do dyfishojmë pensionet duke ia marrë lekët këtyre oligarkëve.

Plani i LSI

-Çdo fëmijë do ketë në llogarinë e tij 1000$ që kur lind deri në moshën 25 vjeç.

-1% e të ardhurave do t’i merren 200 kompanive VIP dhe do të shkojnë për arsimin.

-5% e shpenzimeve të çdo familje do të rimbursohet nga shteti.

-Përjashtimi nga taksat i çdo familje me të ardhura nën 35 mijë lekë të vjetra

-Arsimi do mbështetet me 5% të prodhimit të brendshëm bruto

-Karta e fermerit