“Kur njeriu është i lexuar, nuk ka nevojë të shpikë” Fatos Nano tregon si i merrte vendimet kur ishte kryeministër

Në rrëfimin e tij pas 10 vitesh në ekran, ish-kryeministri Fatos Nano ka dhënë detaje mbrëmjen e sotme mbi rrethanat se ku bazohej mbi vendimet që gjatë kohës që drejtonte qeverinë.

Ai u shpreh në “Opinion” se asnjëherë nuk i ka marrë vendimet në boshllëk.

Nano shtoi se kur je një njeri i lexuar dhe i shëtitur, është në gjendje të përzgjedhë dhe nuk ka nevojë të shpikë zgjidhje.

“Ajo që ndjen njeriu më shumë ndaj vetes është pasiguria, dyshimet…ndaj hapave që vijnë pas, ndaj zgjidhjeve që duhen gjetur…flas për zgjedhjet e mia. Nëse efekti do të ishte i duhuri dhe në masën e duhur. Të them sinqerisht se si janë marrë, natyrisht nuk janë marrë në boshllëk, por në një sfond kulturimi të mirë.

Kur njeriu është i lexuar, i hapur, me mendje të hapur, i shëtitur, është në gjendje të bëjë përshtatje, krahasime apo konsultime. Kam qenë i mendimit që ne nuk na lejohet të shpikim zgjidhje, për të përzgjedhim të sukseshmet,”- tha Nano.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern