LIGJET E BIZNESIT
Pandemia e COVID 19 ka detyruar një pjesë të kompanive shqiptare që të përshtateshin në kohë rekord për të ofruar edhe shërbimin e e-commerce, e thënë ndryshe shitjet online.
Banka Botërore vlerëson në raportin “Diagnostikimi i E-commerce në Shqipëri” se 20% e firmave shqiptare kanë nisur apo rritur biznesin online gjatë pandemisë. Kjo edhe pse nuk kishte formën origjinale të konceptit që përfaqëson e-commerce, por në finale qëllimi u arrit dhe biznesi mbajti lidhjen me konsumatorin.
Migena Qyra, konsulente menaxheriale nga Poy Albania shpjegon se kompanitë shqiptare kanë filluar të përshtaten me kushtet e reja të tregtimit, të imponuara nga pandemia e COVID 19, të cilat i kanë orientuar ato drejt shitjeve online. Pavarësisht se numri i këtyre bizneseve mbetet ende i ulët.
“’Duhet të ishte përdorur më shumë. Ka pengesa, qoftë në botëkuptim, qoftë në disa pjesë të gjithë zhvillimit të e-commerce në Shqipëri. Por është i domosdoshëm dhe tashmë, një pjesë e kompanive shqiptare kanë filluar ta rekuperojnë këtë gjë në fillim të 2021”, shprehet Qyra.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas saj, interesi për shitjet online ka ardhur në rritje gjatë janarit. Kjo duke pasur parasysh edhe dinamikat e pandemisë.
“Rritja ka kryesisht në sektorët retaile, një pjesë e futën e-commerce gjatë pandemisë, por tani ka një riorganizim të kompanive në këtë drejtim”, shprehet konsulentja menaxheriale nga Poy Albania.
Banka Botërore vlerëson në raportin e saj se ka nevojë për veprim konkret për të mbështetur sipërmarrësit për tregtinë online dhe kjo duhet të shtrihet në disa dimensione. Dokumenti nënvizon qeveria mund të luajë një rol kryesor në ndihmën që duhet t’iu japë këtyre sipërmarrjeve.
