Armina Mevlani është njëra prej personazheve të njohura që ndan shpesh në rrjetet sociale jo vetëm detaje nga vetja, të punës dhe jetës personale, por edhe momentet që kalon me partnerin e saj, Shkëlzen Berishën. Po ashtu ajo flet hapur edhe për lidhjen e tyre, fejesën dhe planet që kanë për të ardhmen.
Në të kaluarën Armina ka treguar se do të martohet sa më shpejt, sigurisht të bëjë edhe dasëm, ndërkohë që ka shprehur edhe dëshirën për të nisur një familje. Këtë të fundit ajo e ka konfirmuar sërish, me anë të një postimi në Instagram që ka bërë së fundmi, ku është pyetur nga njëri nga ndjekësit nëse do të mbetet shtatzënë vitin e ardhshëm.
Në fakt Mevlani thotë se i dashuron fëmijët dhe do që të bekohet me një, nëse do Zoti që këtë vit ose në tjetrin.
Kështu duket se Armina dhe Shkëlzeni janë shumë gati për nisjen e familjes dhe e presin lajmin e bukur të shtatzënisë, kurdo që të vijë.
