Për të gjithë ata që kanë probleme me gjumin, ka disa veprime të thjeshta që duhen kryer përpara se t’i drejtoheni mjekut. Nëse këto e zgjidhin problemin, mund të mos ketë nëvojë për ilaçe.
Një filxhan çaj para gjumit
Një filxhan çaj para se të flini nuk sjell asnjë të keqe. Përkundrazi, mund të rezultojë shumë qetësues, sidomos çaji i kamomilit. Një nga shkaktarët që prish gjumin është kafeina, prandaj kujdes me ushqimin dhe pijet që konsumoni gjatë ditës.
Një vaskë ose dush
Larja në vaskë zvogëlon stresin dhe ankthin. Nëse nuk keni vaskë, provojeni një dush.
Përdorni maskën e syve
Edhe drita më e vogël e aparateve shtëpiake apo edhe e karikuesit të celularit mund të ndikojë keq në gjumë. Provoni të shfrytëzoni maskën e syve për të krujuar errësirë absolute në sytë, ndoshta mund të sjellë dobi.
Mendoni pozitivisht
Shqetësimi dhe ankthi mund të luftohen duke menduar pozitivisht. Para gjumit mendoni për gjërat që ju bëjnë të lumtur në jetë dhe në mëngjes do të zgjoheni më të lumtur.
Shfrytëzojeni aroma-terapinë
Edhe aromat janë një element që ndikon ndjeshëm. Ca pika nga vaji eterik mund të krijojnë relaksim e nevojshëm.
