Një nga historitë më tronditëse që po raportohet ditët e fundit në media është ajo e 31-vjecarit shqiptar Saimir Sula, i cili ndërroi jetë në Barcelonë për shkaqe ende të panjohura.
Ajo që e bëri më tragjike ngjarjen është fakti që më vonë u zbulua se të ndjerit i kishin hequr dhe zemrën gjatë kohës që ishte në spital.
Ndërkohë mbrëmjen e sotme motra e tij Majlinda Sula ka deklaruar në “Repolitix” se është e vendosur që ta ndjekë çështjen hap pas hapi.
Ajo ka rrëfyer se vëllai i saj ka hyrë në spital vetëm për të bërë një test COVID, i cili i ka dalë negativ, ndërsa akuzon spitalin se ia kanë vrarë.
“Pasi vëllai ndërroi jetë, një ditë pas ne telefonuam, bëmë një kallëzim se ne dyshimin që mund të kishte ndryshuar jetë për shkak të neglizhencës, denoncimi nga familjarët në Tiranë, kërkuam që të bëhej një autopsi e dytë përpara varrimit. Në Spanjë nuk e dinim nëse i ishte marrë zemra. Në Spanjë bëhen 3 autopsi, një kur ndërron jetë, një paraprake, bëjnë marrjen e mostrave dhe pastaj del ajo që quhet përfundimtare. Tek autopsia që kemi, ajo na thotë që ka pasur insuficencë kardiorespirtore. Kur telefonojë mjekësinë ligjore thonë që arsyeja është C OVID, mund të vonojë nga 6-1 vit, jemi në muajin e 8. Ndoshta mund të ketë dalë kur është dërguar një letërporosi, do shkoj në Spanjë të premten dhe do paraqitem te mjekësia ligjore.
9 maj 2020 na thanë se vëllai kishte ndërruar jetë për shkaqe të panjohura. Në spitalin e Spanjës vranë vëllain tim, se nuk kishte probleme me zemrën dhe as me mushkërinë, hyri në spital për të bërë test C OVID, doli negativ dhe nuk kishte asnjë arsye për të ndjenjur aty, hyri me këmbët e veta. Nëse nuk do kishte temperaturë nuk do të shkonte aspak në spital, k,ur kaluan 20 orë dhe na thonë ndërroi jetë por nuk e dimë pse, normal që ne dyshuam, dyshuam te spitali, dyshuam edhe te autopsia, dhe e sollëm trupin në Shqipëri dhe bëmë kallëzimin. Autopsia është bërë 27 maj, se trupi erdhi pas 18 ditësh, e kanë varrosur familjarët se ishte karantinë dhe ne nuk mund të udhëtonim, unë erdha një muaj më pas.
I është bërë autosia që i kanë bërë ekspertët Shqiptar, normalisht nuk është e njëjta, kur s’ke zemrën si mund të ekzaminosh dhe të thuash nga se ka ndërruar jetë. Nuk e dyshoja se e mund ta kenë vrarë për trafik të organeve, doktoresha Petit e shkruan në kartelë, i bëra një gjilpër qetësuese dhe në pak sekonda i pushoi zemra, ne menduam që mund të ketë pushuar zemra nga mbidoza e gjilpërës, vëllai im ka përdorur këtu në Shqipëri gjilpërë aloperidol, është një anti psikotik, qetësues, ka shumë më të mirë se ky ilac, por nuk e di pse e përdorën këto. Është publik, por ka shumë denoncime nga njerëzit për neglizhencë njerëzore. Përpara se të merrnim vesh mungesën e zemrës mendonim e vranë për neglizhencë, tani që mësuam se i mungon zemra nuk e di se çfarë të mendoj. Vëllai jetonte 11 vjet, shkonte vinte, në Shqipëri, në Belgjikë ka ndjenjur 3-4 vjet, në Barcelonë”, tha Sula.
Ajo thotë se ende nuk ka kryer kallëzim penal pasi avokati i saj i ka thënë se nuk kanë autopsinë nga autoritetet spanjolle.
“Avokati spanjoll më thotë se nëse nuk ke autopsi, nuk mund të bëja kallëzim penal. Për faktin e mungesës së zemrës më tha se mund të fillojmë menjëherë procedurat. Për çfarë ndodhi në spital, duhet të presim autopsinë. Të gjithë mjekët kanë bërë për vëllain tim, kundër kujt do i bëjmë gjyqin, ishin 25 mjekë”, shtoi ajo.
