Çfarë do të ndodhë pas 25 prillit? Arben Malaj zbulon planet e tij për të ardhmen

Ish-ministri i Financave Arben Malaj ka folur së fundmi në lidhje me planet e tij për të ardhmen.

Ai tregoi në programin “A2 Business Week” mbrëmjen e sotme, se ndonëse fushata elektorale për zgjedhjet e 25 prillit është duke nisur, ka vendosur të mos jetë pjesë e angazhimeve politike.

Gjithashtu Malaj shtoi se nuk do të jetë pjesë e garës për shkak se parapëlqen tu hapë rrugë të rinjve ambiciozë, pasi tani ka ardhur koha për ta.

“Unë jam më i lirë për të folur tani pasi nuk do të kem më angazhime për mandate politike dhe do të jem më i fokusuar te pjesa shkencore. Nuk do të jem pjesë e garës elektorale.

Unë parapëlqej harmonizimin e gjeneratave, që të kemi një gjeneratë të re ambicioze, ndërsa ne kemi përvojën dhe duke i harmonizuar të dyja në pozicione të veçanta mund të maksimizojmë dobishmërinë për vendin tonë”, tha Malaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern