LIGJET E BIZNESIT
Një nga fenomenet më shqetësuese që po vihet re ditët e fundit në Shqipëri është rritja e frikshme e rasteve të reja të të infektuarve nga C OVID19.
Por e gjithë kjo situatë e ka një shpjegim, dhe arsyet i ka renditur epidemiologu i njohur Ilir Alimehmeti.
Sipas tij një nga shkaqet kryesore është ulja e temperaturave.
“Patjetër që një nga arsyet kryesore janë dhe temperaturat e ultë për vet logjikën tek virusi por dhe për faktin që ne si njerëz, duke qenë më ftohtë qëndrojmë më shumë brenda, jemi më shumë me njëri-tjetrin, imuniteti jonë bie, ajrosja nuk është aty ku duhet sepse kur është ftohtë jashtë nuk mund të ajrosësh shumë, pra ka shumë elementë. E dyta sepse vet virusi mbijeton më shumë në temperatura më të ftohta, ne këtë e dime”, shprehet ai.
Alimehmeti thotë se ka një ndryshim dhe në klinikën që virusi po shfaq tek të prekurit, duke mos përjashtuar mundësinë e prezencës së variantiteve të reja të C OVID në vendin tonë.
“Ka një klinikë që ka filluar ti ngjajë më shumë gripit që do të thotë fillon menjëherë me një temperaturë të lartë mbi 39 që zgjat disa ditë dhe fillon bie drejt zgjidhjes. I ngjanë shumë më tepër gripit, është COVID kjo s’ka asnjë diskutim kjo shihet dhe me shenjat e skanerit por ka filluar ti ngjajë. Është një përqindje e ulët, nuk dominon por kanë filluar dhe raste të këtij tipi”-shpjegoi Alimehmeti.
