Në moshë fare të re/ Ndahet nga jeta mjekja e njohur në Durrës, trishtim për bluzat e bardha

Një lajm i hidhur vjen në rradhën e bluzave të bardha.

Mësohet se ka ndërruar jetë në një moshë fare të re mjekja onkologe në Durrës, Anisa Dedja.

Lajmin e ka bërë të ditur Urdhri i Mjekut në Durrës, me anë të një njoftimi në rrjetet sociale, thuhet se doktoresha vuante nga një sëmundje e rëndë.

Për fat të keq ajo nuk arriti dot ta fitonte betejën për jetën dhe mbylli sytë përgjithmonë.

REAGIMI:

Me dhimbje të thellë Urdhëri i Mjekut, Durrës, njofton ndarjen e parakohshme nga jeta pas një sëmundjeje të rëndë të Doktoreshë Anisa Dedja.

Dr. Anisa Dedja përfundoi studimet e larta në vitin 2018 në Fakultetin e Mjekësisë, të Tiranës, me rezultate të shkëlqyera.

Më pas u largua drejt Gjermanisë për të studime të mëtejshme në Onkologji.

Sot la një vend bosh doktoresha jonë Anisa Dedja!

Rruga e jetës së saj, misioni i saj si mjeke e përkushtuar, energjia diellore që rrezatonte me të gjithë u pre në mes!

Me ikjen e saj të parakohshme la trishtimin dhe keqardhjen për jetën e saj të papërmbushur siç ajo dëshironte!

Urdhëri i Mjekut, Durrës përcjell ngushëllimet më të sinqerta për familjarët, miqtë dhe kolegët për këtë humbje të rëndë.

I paharruar qoftë kujtimi i saj