“Ja ç’duhet të bëni pas ditës së 7” Brataj tregon ‘recetën’ për të trajtuar virusin në kushte shtëpie

Kreu i Urgjencës Kombëtare Skënder Brataj i ka bërë thirrje të gjithë të infektuarve me k oronavirus që të mos marrin antibiotikë dhe kortizonikë që në fillim.

“I marrim që në fillim, dikush do të përfitojë e të ka dhënë një qerre me ilaçe. Nëse receta që unë jap është pa vulë nuk është nga institucioni. Në momentin që mjeku është në punë, ka detyrë të përfaqësojë institucionin me firmë e vulë. Ligji e lejon dypunësimin.”

Ai shtoi se në javën e parë të infektimit nëse e keni në formë më të lehtë mund të merren vetëm paracetamol, lëngje dhe vitamina.

“Në javën e parë, paracetamol e lëngje e vitamina,  edhe këto s’është e thënë t’i marrësh se s’bën, mund t’i marrësh përmes ushqimit.”

Më tej, Brataj shpjegon që nëse simptomat vijojnë pas ditës së shtatë, kjo do të thotë se sëmunjda po përparon dhe se e mira është që të bëhen disa analiza dhe të konsultoheni me mjekun.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Nëse simptomat vijojnë pas ditës së 7 kjo do të thotë se sëmundja po evoluon. Nëse temperatura shkon 39- 40 gradë do të thotë se ka shkuar në infeksion. Në ditën e 6-7 bëj analizat, që tregojnë infeksionin dhe kuagolimin e gjakut. Në bazë të tyre mjeku vendos”, tha ai për abc news.

Nëse teprohet me antibiotikët, sipas mjekut, dëmtohet flora intensinale ndërsa kortizoni duhet marrë dhe ndërprerë sipas disa rregullave të caktuara.