“E kam shumë mik po ajo që bëri ishte e pafalshme” Rama komenton veprimin e Ermal Mamaqit

Në konferencën që mbajti sot në aeroportin e Rinasit ku po pret dozat e para të vaksinës “Pfizer”, kryeministri Rama ka komentuar veprimin e aktorit Ermal Mamaqi, ku ky i fundit mblodhi disa të rinj në një ambient të mbyllur për ti trajnuar sesi të bëhen të suksesshëm.

Kreu i qeverisë pranoi se e ka shumë mik Mamaqin, por ajo që bëri është e pafalshme dhe si rrjedhojë ka marrë një gjobë.

“Fatkeqësisht ka shkelje të përsëritura të masave. Ermal Mamaqi nuk mund të ta japë këtë shembull që u dha shqiptarëve. Ermalin e kam mik dhe mori gjobën siç e meritonte. Pa llogaritur partitë politike përfshirë edhe njerëzit e Partisë Socialiste që harrojnë këtë fakt dhe kjo është edhe indiferencë dhe harresë. Nëse do të kemi shtrëngim masash, do të kemi në radhë të parë shtrëngim të zbatimit të këtyre masave. I kuptojmë shumë mirë studentët që duan të rikthehen në auditore. Po e shikon Komiteti me kërkesë për të pasur më shumë fleksibilitet për t’u kthyer për ato provime që nuk mund të bëhen online”, deklaroi Rama.