LIGJET E BIZNESIT
Jeta në mbarë botën nuk do të kthehet në normalitet për dy ose tri vjet, bazuar në shkallën e përhapjes aktuale të vaksinimit, megjithëse ka shenja të hershme që vaksinimi po ndikon në rënien e numrit të rasteve ditore në Mbretërinë e Bashkuar.
Duke folur për Sky News, Clare Wenham, asistente e politikës globale shëndetësore në “London School of Economics”, deklaroi se pandemia e koronavirusit nuk do të përfundojë derisa të mbrohet popullsia e botës.
“Për momentin, të dhënat tregojnë se deri në vitin 2023/24 vaksinat nuk do të mund të shpërndahen tek të gjithë”, tha ajo.
“Kjo është një kohë e gjatë. Dhe shpërndarja e disa vaksinave tani mund të na shpjerë më shpejtë në normalitet”, theksoi ekspertja.
Sipas saj, edhe nëse popullata e Mbretërisë së Bashkuar të ishte vaksinuar, kufizime të tilla si kontrollet kufitare do të vazhdonin të ekzistonin për shkak të kërcënimit të paraqitur nga variante rezistente të virusit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
