Zv.ministrja ironizon Bashën/ “T’u lexosh fëmijëve është qejf, sidomos kur libri përputhet me moshën e tyre”

Kryetari i bashkisë së Tiranës Erion Veliaj ka publikuar ditën e sotme në rrjete sociale një video ku shihet një baba që i lexon një libër djalit të tij.

Në postim, kryebashkiaku shkruan se “t’u lexosh fëmijëve është qejf dhe thelbësore”. Postimin e tij e ka ripostuar edhe zv.ministrja e Brendshme Romina Kuko.

“Patjetër. Sidomos kur libri përputhet me moshën e fëmijës”, shkruan zv.ministrja, teksa ironizon kryetarin e Partisë Demokratike Lulzim Basha për foton që ai publikoi disa ditë më parë.

Në foton e Bashës shikohej kryetari i Partisë Demokratike që i lexonte një libër vajzës së tij. Në rrjet shpërthyen talljet për shkak se libri që Lulzim Basha po lexonte ishte për fëmijë shumë të vegjël, ndërkoha që mosha e saj është vetëm 10 vjeç.