I pangopshëm me para/ Shqiptari në SHBA “u korr” 19 mln dollarë investitorëve 

43-vjeçari shqiptar Viktor Gjonaj,  themelues i “Title Plus Title Services”, është akuzuar për mashtrim ndaj investitorëve të tij me një shumë të hollash që arrin në 19 milionë dollarë.

Synimi i këtij mashtrimi, ishte që Gjonaj të blinte pothuajse çdo javë nga 1 milion dollarë bileta në lotarinë “Daily 3 dhe Daily 4”.

Sipas mediave të huaja këtë lloj aktiviteti, shqiptari e ka nisur që në vitin 2010. Në fillim, ai fitonte miliona dollarë. por, besohet se ai ka humbur të gjitha paratë në lojëra fati, pasi kishte shfaqur varësi ndaj bixhozit.
“Viktor Gjonaj është një biznesmen i respektuar, por fatkeqësisht krijoi një varësi ndaj lojërave të fatit e si pasojë arritëm në këtë situatë”, u shpreh avokati i tij, Steve Fishman.

Gjykata e Detroit e ka shpallur fajtor shqiptarin. Ai rrezikon të vuajë dënimin 20 vite burg.